Finss.az xəbər verir ki, Tesla elektrik avtomobillərinin satışı bəzi Avropa bazarlarında ardıcıl səkkizinci ay geriləyib. Səbəb kimi həm Çinli istehsalçıların (BYD, XPeng və s.), həm də ənənəvi avtomobil markalarının (Volkswagen, BMW, Renault) artan rəqabəti göstərilir.

Avqust ayı üzrə ilkin məlumatlara görə:

• ?? Fransada Tesla satışları 47,3% azalıb, halbuki ölkənin ümumi avtomobil bazarı 2,2% artıb.

• ?? İsveçdə Tesla satışları 84% azalıb, bazar isə 6% böyüyüb.

• ?? Danimarkada azalma 42% təşkil edib.

Bununla yanaşı, ?? Norveçdə Tesla satışları 21,3% artıb. Lakin burada da Çinli BYD şirkəti satışlarını 3 dəfədən çox (218%) artıraraq liderliyə iddialı olduğunu göstərib.

Mütəxəssislərin fikrincə, Avropada elektromobil bazarında Çin markalarının aqressiv qiymət siyasəti və yeni modellərin təqdimatı Tesla-nın bazar payını ciddi şəkildə təhdid edir.